-
-
-
-
काठमाडौँ । भारतको अहमदाबादमा बनेको विश्वकै सबैभन्दा ठुलो मोटेरा क्रिकेट स्टेडियमको नाम नरेन्द्र मोदी स्टेडियम राखिएको छ ।
सरदार पटेल स्टेडियम समेत भनिने यो स्टेडियमको नाम नरेन्द्र मोदी स्टेडियम राखिएको विभिन्न भारतीय सञ्चारमाध्यमले जनाएका छन् ।
१ लाख १० हजार सिट क्षमता भएको यो क्रिकेट स्टेडियमको उद्घाटन बुधवार भारतीय राष्ट्रपति राम नाथ कोविंदले गरेका हुन् ।
भारत र इङल्याण्डबीचको खेल सुरु हुनुअघि भएको उद्घाटन समारोहमा भारतीय गृहमन्त्री अमित शाह एवं बीसीसीआईका सचिव जय शाहलगायतको उपस्थिति रहेको थियो ।
यसअघि ९० हजार सिट क्षमता रहेको मेलबर्न क्रिकेट स्टेडियम विश्वकै सबैभन्दा ठुलो रहेको थियो ।
