भारतले नामै नलिइ भन्यो – छिमेकीले आतंकवादलाई समर्थन गरेको छ

भारतले नामै नलिइ भन्यो – छिमेकीले आतंकवादलाई समर्थन गरेको छ

प्रकाशित २०७७ फागुन १३ बिहिबार

काठमाडौं । भारतले एक पटक फेरि छिमेकी पाकिस्तानमाथि निशाना साँधेको छ । उसले पाकिस्तानको नामै नलिइ ‘एक छिमेकी देशले आतंकवादलाई समर्थन गरेको छ’ भनेको छ । भारतले संयुक्त राष्ट्र सुरक्षा परिषद (यूएनएससी) मा पाकिस्तानमाथि निशाना साँधेको हो ।

भारतीय प्रतिनिधि नागराज नायडूले पाकिस्तानको नामै नलिइ पाकिस्तानले भारतमा मात्र नभई विश्वभरमा आतंकवादीलाई मद्धत गरेको आरोप लगाएका हुन् ।

उनले पाकिस्तान सरकारकै आतंकवादलाई समर्थन रहेको समेत बताएका थिए । सुरक्षा परिषदको बैठकमा नागराजले भने, ‘भारत कयौं दशकदेखि प्रोक्सी वार र क्रस बोर्डर टेरोरिज्मको सामना गरिरहेको छ । त्यहाँको सरकार आतंकवादलाई खुलेआम समर्थन गर्छ ।’