काठमाडौं । भारतमा कारोना भाइरसको नयाँ स्ट्रेन १८ राज्यमा फैलिइसकेको छ । जसमा महाराष्ट्र, केरल, तेलंगाना, आन्ध्र प्रदेश, असम, पश्चिम बंगाल, तमिलनाडु, पंजाब लगायत रहेका छन् ।
यो कोरोनाको स्ट्रेन बेलायत, दक्षिण अफ्रिका र ब्रजिलबाट आएको हो । अहिलेसम्म भारतमा १९४ जनामा नयाँ स्ट्रेन देखिएको छ ।
नरेन्द्र मोदी नेतृत्वको केन्द्रीय स्वास्थ्य मन्त्रालयका अनुसार १९४ मध्ये १८७ जनामा बेलायतको भेरियन्टसँग मिलेको छ ।
६ जना दक्षिणी अफ्रिका र ब्रजिलका १ जनाको स्ट्रेन मिलेको छ ।
पछिल्लो समय भारतमा कोरोनाका संक्रमित बढेका छन् । शुक्रबार मात्रै १६ हजार १९ जना संक्रमित थपिँदा १२ हजार ३६१ कोरोनामुक्त भएका छन् ।
१०९ जनाको ज्यान गएको छ ।
१ लाख ३० हजारको हाराहारीमा झरेको सक्रिय संक्रमितको संख्या १ लाख ५६ हजार ४१३ रहेको छ ।
भारतमा अहिलेसम्म १ करोड १० लाख ७९ हजार ९४ संक्रमित पुगेका छन् । १ करोड ७ लाख ६१ हजार १३९ जना कोरोनामुक्त भएका छन् । मृतक १ लाख ५६ हजार ९७० पुगेका छन् ।
