अमेरिका र रुसबीच हतियार सम्झौता भएकै दिन चीनले गर्यो एन्टी-ब्यालेस्टिक मिसाइल परीक्षण
एजेन्सी,
प्रकाशित २०७७ फागुन २० बिहिबार
357
Shares
बेइजिङ। संयुक्त राज्य अमेरिका र रुसले हतियार सम्झौता गरेकै दिन चीनले एन्टी-ब्यालेस्टिक मिसाइल परीक्षण गरेको छ। चीनले गत बिहीबार मध्य उडानको बेला आउँदै गरेको मिसाइल प्रहार गर्ने आफ्नो क्षमताको परीक्षण गरेको हो। रक्षा मन्त्रालयले उक्त अभ्यासलाई सफल घोषित गरेको छ। चीन हतियार प्रविधिको विकास गर्ने अमेरिका पछि दोस्रो मुलुक मानिन्छ।
साउथ चाइना मर्निङ पोस्टका अनुसार बाइडेन प्रशासनले रुससँगको आणविक हतियार नियन्त्रण सम्झौताको विस्तारलाई अनुमोदन गर्नुका साथै बेइजिङलाई आणविक जोखिम न्यूनीकरण र हतियार नियन्त्रणमा संलग्न गराउने प्रतिबद्धतासमेत गरेको छ।
सोही दिन चीनले एन्टि-ब्यालेस्टिक मिसाइल परीक्षण गरेको हो। यद्यपि चिनियाँ रक्षा मन्त्रालयले मिसाइल परीक्षणले कुनै खास देशलाई लक्षित नगरेकोसमेत जनाएको छ। मकाउस्थित सैन्य मामिलाका टिप्पणीकर्ता एन्टनी वोंग टोङले एन्टी-बैलिस्टिक मिसाइ परीक्षण व्हाइट हाउसमा प्रवेश गरेका बाइडेनलाई सन्देश भएको टिप्पणी गरेका छन्।
"अमेरिकाले द्रुत अन्तर्राष्ट्रिय दूरीको ब्यालिस्टिक क्षेप्यास्त्रको विकास गरिरहेको छ। जो चीनको लागि खतरा हो, जुन आईएनएफ छोडे पछि," वोङले भने। अमेरिकाले विकास गरेको मिसाइले ताइवानको क्षेत्रसम्म पुग्न सक्ने बताइएको छ।
चिनियाँ सैन्य स्रोतले भन्यो, “तर वास्तवमा भन्नुपर्दा, चीनको मिडकोर्स एन्टि-बैलिस्टिक टेक्नोलोजीले अझै पनि संयुक्त राज्य अमेरिका र रुसबाट आणविक क्षेप्यास्त्र प्रहार गर्न सक्दैन, किनकि पीपुल्स लिबरेशन आर्मी (पीएलए) बीच अझै अन्तर छ।"
अमेरिकाले भर्खरका वर्षहरूमा चीनलाई रणनीतिक प्रतिस्पर्धीको रूपमा लिएको छ र चीनको आणविक क्षमताको तीव्र र अस्पष्ट विकासको लागि आलोचना गरेको छ।
