arrow

इन्दोरमा कोरोना भाइरसको नयाँ स्ट्रेन, कर्फ्यूको तयारी

logo
प्रकाशित २०७७ फागुन २२ शनिबार
corona-india-onion-line.jpg

काठमाडौं । भारतको मध्यप्रदेशस्थित इन्दोरमा कोरोना भाइरसको नयाँ स्ट्रेन देखिएको छ । नोडल कोभिड अधिकारी अमित मालाकारले गत २० फेब्रुअरीमा जाँचका लागि दिल्लीमा पठाइएका १०६ नमूना पठाइएकामा ६ जनामा युके स्ट्रेन देखिएको हो । 

यिनीहरु १० देखि १५ फेब्रुअरीबीच संक्रमण पुष्टि भएको हो । यसमा कसैमा पनि विदश गएको इतिहास छैन । यसले नै इन्दोरमा स्थिति डरलाग्दो भएको हो । 

शहरमा यसकै कारण रोक लगाउन थालिएको छ । ३ दिन दिनसम्म स्थितिलाई नजिकबाट हेरिने छ । यदि संक्रमित नघटे रात्रिकालीन समयमा कर्फ्यु लगाउने सम्बन्धमा विचार गर्न सकिने जनाइएको छ । 

मध्यप्रदेशमा ४५७ जना नयाँ संक्रमित थपिएका छन् । हाल त्यहाँ ३ हजार ४५७ जना सक्रिय संक्रमित छन् । 

यता, भारतमा कोरोना भाइरसका संक्रमित ह्वात्तै बढ्दै गएका छन् । शुक्रबार १८ हजार २९२ जना संक्रमित थपिँदा १४ हजार १६२ जना संक्रमणमुक्त भएका छन् । 

पछिल्ला केही दिनदेखि निरन्तर रुपमा संक्रमित बढेका छन् । हाल सक्रिय संक्रमित १ लाख ७७ हजार २८९ पुगेका छन् । कुनै समय १ लाख ३० हजारको हाराहारीमा रहेका संक्रमित अहिले बढेका हुन् । 

अहिलेसम्म १ करोड ११ लाख ८६४ जना संक्रमित भइसकेको भारतमा १ करोड ८ लाख ५२ हजार १७४ जनालाई निको भएको छ । 

शुक्रबार १०९ जनाको ज्यान गएको छ । अहिलेसम्म ज्यान गुमाउने १ लाख ५७ हजार ६९३ जनाको ज्यान गइसकेको छ । महाराष्ट्रमा १० हजार २१६ संक्रमित थपिएका छन् । 

हाल महाराष्ट्रमा ८८ हजार ८३८ जना सक्रिय संक्रमित रहेका छन् । दोस्रो स्थानको केरलमा ४३ हजार ५५९ जना सक्रिय संक्रमित छन् ।  



लोकप्रिय समाचार
लोकप्रिय समाचार
नयाँ