इजरायली प्रधानमन्त्री बेन्जामिन नेतान्याहुको युएई भ्रमण रद्द

प्रकाशित २०७७ फागुन २७ बिहिबार

काठमाडौं । इजरायली प्रधानमन्त्री बेन्जामिन नेतान्याहुको योजाना गरिएको युनाईटेड अरब एमिरेट्सको भ्रमण रद्द भएको छ । इजरायली पब्लिक ब्रोडकास्टिङले कानले बिहीबार प्रधानमन्त्री नेतान्याहुको भ्रमण रद्द गरिएको जनाएको हो ।

मुस्लिम मुलुक र इजरायलको सम्बन्ध दशकौंदेखि अस्थिर र एक किसिमले रुष्ट मानिँदै आएको छ । यस्तोमा युएई, बहराईन र मारक्कोले तत्कालीन अमेरिकी राष्ट्रपति डोनाल्ड ट्रम्पको मध्यस्थकर्तामा इजरायलसँग शान्ति सम्झौता गरेका थिए ।

साउदीले समेत इजरायलसँग सम्बन्ध सुधार गर्न खोजिरहेको बताइन्छ । अन्य मुस्लिम मुलुकहरूले युएई र इजरायलबीचको शान्ति सम्झौता अब्राहम एकोर्डको विरोध गर्दै आएका छन् । इजरायली प्रधानमन्त्रीको युएई भ्रमण ठुलो अर्थ राख्ने विषय हुन जान्छ ।