खोप अभियानपछि बढ्यो लापरवाही, पुग्यो जनता कर्फ्यूको एक वर्ष

प्रकाशित २०७७ चैत ९ सोमबार

काठमाडौं । भारतमा कारोना भाइरसको महामारीविरुद्धको जनता कर्फ्यूको एक वर्ष पूरा भएको छ । गत वर्ष २२ मार्चमा प्रधानमन्त्री नरेन्द्र मोदीको अपीलमा भारतमा जनता कर्फ्यू लगाइएको थियो ।

यो लकडाउनको ट्रायल थियो । ट्रायल सफल भयो । त्यसको तीन दिनपछि मार्च २५ मा भारतमा लकडाउन लगाइएको थियो । कोरोना फेरि पनि बढ्यो । भारतले लगातार चौथो पटक लकडाउन लगायो ।

त्यसपछि लकडाउन अनलकमा परिणत भयो । अनलक भएपछि कोरोना झन् बढ्यो । सेप्टेम्बरसम्म भारतमा चरम रुपले कोरोना संक्रमित बढेका थिए ।

अक्टुबरपछि मौसम बदलिँदा झनै बढ्ने अनुमान गरियोे । तर नतिजा उल्टियो । कोरोनाका संक्रमित घट्न थाले ।

यो वर्ष जनवरीमा कोरोनाको भ्याक्सिन आयो । फेरि भारतमा लापरवाही बढ्यो । कोरोना अब लाग्दैन भन्ने भ्रमले ११ फेब्रुअरीदेखि फेरि बढ्न थाले कोरोना संक्रमित ।

गत वर्ष नोभेम्बरपछि लगातार संक्रमित घटिरहँदा फेरिबढिरहेका हुन् । ११ फेब्रुअरीमा ९ एकै दिन ९ हजार ३५३ जना संक्रमित भएकामा २१ मार्चमा बढेर ४७ हजार ७७४ पुगे ।

मृतक पनि बढ्दै गए । आइतबार २१ मार्चमा २१३ जनाको ज्यान गयो । महाराष्ट्र, पंजाब, मध्यप्रदेश, दिल्लीसमेत कयौं राज्यमा कोरोनाका नयाँ संक्रमित थपिँदै गएका छन् ।

हाल सक्रिय संक्रमित ३ लाख ३१ हजार ८२६ पुगेका छन् ।

१६ जनवरीदेखि भ्याक्सिन लगाउन सुरु भएको थियो । ४ करोड ५ लाखले भ्याक्सिनको पहिलो डोज लगाएका छन् । केबल ७५ लाखले मात्र दोस्रो डोज लगाउन पाएका छन् ।

आखिर भ्याक्सिन उपचार त हैन केबल इम्युनिटी बुस्टर मात्रै हो । जब सावधानी राखिँदैन तब यसले फेरि उग्र रुप लिन्छ । अहिले भारतमा त्यस्तै भइरहेको छ ।