कोरोना भाइरसः भारत साढे चार महिनापछि उच्च बिन्दूमा
प्रकाशित २०७७ चैत ११ बुधबार
1.1k
Shares
काठमाडौं । भारतमा कोरोना भाइरसको संक्रमण ह्वात्तै बढेको छ । साढे ४ महिनापछि संक्रमण उच्च बिन्दूमा पुगेको हो ।
मंगलबार ४७ हजार २३९ जना संक्रमित थपिएका छन् । अहिले भारतमा सक्रिय संक्रमितको संख्या ३ लाख ६५ हजार ३६९ पुगेको छ ।
२३ हजार ९१३ जना संक्रमणमुक्त भएका छन् । मंगलबार मृत्युको दर पनि ह्वात्तै बढेको छ । एकै दिन २७७ जनाको ज्यान गएको छ ।
अहिलेसम्म भारतमा १ करोड १७ लाख ३३ हजार ५९४ जना संक्रमित भइसकेका छन् । यो विश्वकै दोस्रो ठूलो हो ।
तीमध्ये १ करोड १२ लाख ३ हजार १६ संक्रमणमुक्त हुँदा १ लाख ६० हजार ४७७ जनाको ज्यान गइसकेको छ ।
सबैभन्दा उच्चविन्दूमा महाराष्ट्र भएको छ । २८ हजार ६९९ जना मंगलबार मात्रै थपिएका छन् । अहिले त्यहाँ २ लाख ३० हजार ६४१ जना सक्रिय संक्रमित छन् ।
केरलमा २३ हजार ८८०, पंजाबमा १९ हजार ४०३, कर्नाटकमा १५ हजार ५९५, छत्तीसगढमा १० हजार ४९१, मध्यप्रदेशमा ९ हजार २९२, तमिलनाडूमा ९ हजार १४५, गुजरातमा ८ हजार ३१८, दिल्लीमा ४ हजार ४११ जना सक्रिय संक्रमित छन् ।
अन्तर्राष्ट्रिय उडानमा रोक
विश्वभर फैलिएको कोरोनालाई ध्यानमा दिँदै केन्द्र सरकारले अन्तर्राष्ट्रिय उडानलाई ३० अप्रिलसम्म प्रतिबन्ध गरेको छ ।
भारत सरकारले १ अप्रिलदेखि ४५ वर्षदेखि माथिका सबैलाई कोरोनाको खोप दिने बताएको छ ।
भारतको विभिन्न स्थानमा अहिले पनि कर्फ्र्यू लगाइएको छ । भारतमा फेरि लकडाउन लाग्न सक्ने बताइएको छ ।
