क्रुर सैन्य प्रमुखद्धारा निहत्था जनता मारेर भव्य पार्टी
प्रकाशित २०७७ चैत १६ सोमबार
1k
Shares
काठमाडौं । एक क्रुर सैन्य शासकले निहत्था जनता मारेर भव्य पार्टीको आयोजना गरेका छन् । म्यानमारमा शनिबार चार बालबालिकासहित ११४ जनाको हत्या गरेका सैन्य प्रमुखले आइतबार राति भव्य डिनर पार्टी आयोजना गरेका हुन् ।
सैन्य प्रमुख मिन ओङ ह्लाइङ तथा उनका जनरलले आइतबार राति नै भव्य पार्टी गरेका हुन् । आइतबार बिहान मारिएकाको अन्तिम संस्कारमा समेत सेनाले हस्तक्षेप गर्दै दुई जनालाई मारेको थियो ।
फेब्रुअरी १ तारिखमा सेनाले सैन्य कू गर्दै शासन आफ्नो हातमा लिएको थियो ।
विश्वभर कू को विरोध भइरहे पनि सेनाले भने जनता मारेर खुशीयाली मनाइरहेको छ । त्यहाँ झण्डै दुई महिनाको अवधिमा ४०० भक्न्दा बढीको ज्यान गएको छ ।
आइतबार विश्वका १२ देशका रक्षा प्रमुखले एक संयुक्त विज्ञप्ति जारी गर्दै म्यानमारको सैनिक दमनको भर्सना गरेको बीबीसीले लेखेको छ ।
