कोरोना महामारी उत्पत्ति मुलुक चीन भएको घोषणा गर्न राष्ट्र सङ्घलाई अमेरिकाको आग्रह
एजेन्सी,
प्रकाशित २०७७ चैत १८ बुधबार
2.5k
Shares
वाशिङटन। संयुक्त राज्य अमेरिकाले कोरोना भाइरसको उत्पत्ति मुलुक चीन भएको घोषणा गर्न संयुक्त राष्ट्र सङ्घलाई आग्रह गरेको छ। ट्रम्प प्रशासनले अमेरिकी सुरक्षा परिषद्लाई चिनियाँ कोरोनाभाइरसको उत्पत्ति मुलुक चीन भएको घोषणा गर्न आग्रह गरेको थियो।
संयुक्त राष्ट्रमा पठाइएका चार कूटनीतिज्ञले एनबीसी न्युजलाई दिएको जानकारी अनुसार विश्वव्यापीकरण फैलिएको यस महामारीले सिङ्गो विश्व नै आक्रान्त बनेका कारण यसको जिम्मा चीनले लिनुपर्ने बताइएको थियो।
कोरोना भाइरससम्बन्धी संयुक्त घोषणा वा सङ्कल्पका विषयमा अमेरिकाले आपत्ति जनाएपछि वार्ता अघि बढ्न सकेको छैन। अमेरिकाले कोरोना महामारीको उद्गम मुलुक भएको बताएको थियो । भाइरसको उत्पत्ति चीनको वुहानमा भएको थियो। वुहानमा साथै त्यहाँ सुरु भएदेखि नै विश्वभर फैलिएको भन्ने चीनको अडानमा चीनले आपत्ति जनाएपछि संयुक्त घोषणापत्रले पूर्णता पाउन नसकेको हो।
सो प्रस्ताव आएसँगै चीनका कूटनीतिज्ञहरू आक्रोशित भएका थिए। उनीहरूले आफ्नो भाषामा भाइरसलाई नियन्त्रणमा लिएको कुराको प्रशंसा गर्दै विश्व समुदायलाई गरेको सहयोगबारे अरूले पनि मूल्याङ्कन गर्नुपर्ने बताएका थिए।
कोरोनाभाइरस सम्बन्धी वासिङ्टन र बेइजिङको बिचमा बढ्दो तनावका कारण संयुक्त राष्ट्रसङ्घको विवाद परेको छ। राष्ट्रपति डोनाल्ड ट्रम्पले चीनलाई यसको प्रसारको लागि बारम्बार दोष लगाउँदै बेइजिङलाई भाइरसको प्रारम्भिक सूचना लुकाउने गरेको बताएका छन्।
जो बाइडेले सत्ता सम्हालेपछि पनि कोरोना भाइरस सम्बन्धीको अमेरिकी अडानमा कुनै परिवर्तन आएको छैन। अहिले विश्वभर कोरोना भाइरसको तेस्रो लहर सुरु हुने अवस्थामा रहेको छ।
