वासिङ्टन। आतङ्कवाद विरुद्ध काम गर्ने अमेरिकी संस्थाको पछिल्लो रिपोर्टले अमेरिका झस्किएको छ। उक्त रिपोर्टका अनुसार अमेरिकामा आतङ्कवाद सम्बन्धी खतरा, परम्परागत अनुमान विपरीत विदेशीबाट भन्दा पनि “संयुक्त राज्यका जिहादी आतङ्ककारीहरू' बाट धेरै भएको पाइएको छ।
न्यु अमेरिका भन्ने संस्थाद्वारा गरिएको पछिल्लो मूल्याङ्कन अनुसार अमेरिकामा ९/११ को घटनापछि आतङ्कवाद गतिविधिमा व्यापक वृद्धि भएको पाइएको छ। अमेरिकामा ९/११ को घटनापछि अमेरिकामा भएका आतङ्कवादी घटनामा विदेशी भन्दा पनि अमेरिकी जिहादीकै संलग्नता बढी भएको देखिएको छ।
अमेरिकी थिंक ट्याङ्कहरूले गरेको उक्त अध्ययन अनुसार न्यु अमेरिकाले गम्भीर खतराप्रति जोड दिँदै भनेको छ, “यद्यपि, आज अरबी प्रायद्वीपमा अलकायदाका नेता बनेका अमेरिकी पादरी अन्वर अल-अवलाकीले 'जिहाद एप्पल पाई जत्तिकै अमेरिकी भइरहेको” बताएका थिए।
९/११ देखि आजसम्म संयुक्त राज्य अमेरिकाले केवल "संयुक्त राज्य अमेरिकाभित्र एक घातक आक्रमणको निर्देशन दिने जिहादी विदेशी आतङ्कवादी सङ्गठनको, वा एक घातक जिहादी आक्रमणकारीले विदेशमा समूहबाट तालिम दिने वा समर्थन लिएको" मात्र भएको थियो।
उक्त प्रतिवेदनले भनेको छ, "त्यो केस डिसेम्बर, २०१९ मा नेभल एयर स्टेशन पेनसकोलामा भएको आक्रमण हो, जब मोहम्मद अल-शामरानीले गोली हानेर तीन व्यक्तिको हत्या गरे।
अरब प्रायद्वीपमा रहेको अल कायदाले उक्त हमलाको दाबी गर्यो र एफबीआईका अनुसार अल-शमरानीको फोनबाट उनी संयुक्त राज्य अमेरिका प्रवेश गर्नुभन्दा पहिले एक्यूएपी-अल प्रायद्वीपमा अलकायदा) लडाकु र एक्यूएपीसँग सम्पर्कमा थिए भन्ने कुराको प्रमाणहरू छन्।” पछिल्ला दुई दशकहरूमा, "जिहादी" ले संयुक्त राज्य अमेरिका भित्र १० जनालाई मारेका छन्।
उक्त रिपोर्टमा ट्रम्प प्रशासनले आतङ्कवादको खतरा र यसको वास्तविकताबारे नबुझिएको औँल्याएको छ। आफ्नो राष्ट्रपति पदको एक हप्तामा, डोनाल्ड ट्रम्पले एक कार्यकारी आदेश जारी गरे जुन सात मुस्लिम देशका नागरिकहरूलाई संयुक्त राज्य अमेरिकामा प्रवेश गर्न प्रतिबन्ध लगाइएको थियो।
यी देशहरू थिए, इरान, इराक, सिरिया, सुडान, लिबिया, यमन, र सोमालिया। उक्त आदेशले "राष्ट्रिय सुरक्षा" सुनिश्चित भएको बताइयो। तर, वास्तविक औचित्य उक्त आदेशले प्रस्ट्याउन सकेन।
