-
-
-
-
काठमाडौं । काठमाडौं फेरि विश्वकै सर्वाधिक प्रदूषित शहर बनेको छ । सोमबारको बिहान ढल्दै जाँदा प्रदूषण झन् बढेको छ । बिहान ९ बजे प्रदूषण बढेर ३३१ एयर क्वालिटी इन्डेक्स (एक्यूआई) पुगेको छ । सोमबार बिहान पौने ८ बजेको समयमा काठमाडौं विश्वकै सर्वाधिक प्रदूषित शहर बन्ने क्रममा एक्यूआई २७८ थियो ।
अहिले पनि काठमाडौं सर्वाधिक प्रदूषित रहेको आईईक्यूएयरडटकमले जनाएको छ ।
यसअघि पनि पटक पटक काठमाडौं सर्वाधिक प्रदूषित शहर भइसकेको छ ।
चैत १० गतेपछि निरन्तर रुपमा नेपालमा डढेलो लागेका कारण पनि प्रदूषण थप बढ्दै गइरहेको छ । आइतबार मात्रै नेपालमा ७ सय भन्दा बढी जंगलमा डढेलो लागेको छ ।
हावा प्रदूषित भएसँगै स्वासप्रश्वासका बिरामीसमेत बढेको चिकित्सकहरु बताउँछन् ।
