विश्वमै बढ्यो कोरोना, एकैदिन ७ लाख ३७ हजार बढी संक्रमित, १४ हजारको मृत्यु
कुन देशको अवस्था कस्तो
हाम्रा कुरा
प्रकाशित २०७७ चैत २७ शुक्रबार
1.8k
Shares
काठमाडौं । कोरोना भाइरसको संक्रमण विश्वभरमै तीव्र गतिमा फैलिरहेको छ । दोस्रो लहर पहिलो भन्दा निकै कडा हुँदै गएको समेत तथ्यांकले देखाउँदै गएको छ ।
बिहीबार मात्रै ७ लाख ३७ हजार भन्दा बढी संक्रमित थपिएका छन् । त्यसैगरी एकैदिन १४ हजारको हाराहारीमा मृतक थपिएका छन् ।
अहिलेसम्म विश्वभर १३ करोड ४५ लाख भन्दा बढी संक्रमित पुगिसकेका छन् । २९ लाख १४ हजार भन्दा बढीको ज्यान गएको छ । अहिले पनि १ लाख भन्दा बढी संक्रमित गम्भीर छन् ।
बिहीबार भारतमा १ लाख ३१ हजार ८९३ जना संक्रमित थपिएका छन् । ८०२ को ज्यान गएको छ ।
ब्रजिलमा ८९ हजार २९३ संक्रमित थपिँदा ४ हजार १९० जनाको ज्यान गएको छ । अमेरिकामा ७९ हजार ५७३ जना संक्रमित थपिँदा १ हजार २ जनाको ज्यान गएको छ ।
टर्कीमा ५५ हजार ९४१ जना संक्रमित थपिँदा २५८ जनाको ज्यान गएको छ । पोल्याण्डमा २७ हजार ८८७ जना संक्रमित थपिँदा ९५४ जनाको ज्यान गएको छ ।
फ्रान्समा १५ हजार ८६९ जना संक्रमित थपिँदा ३४५ जनाको ज्यान गएको छ । इटालीमा १७ हजार २२१ जना संक्रमित थपिँदा ४८७ जनाको ज्यान गएको छ ।
जर्मनीमा २४ हजार २४२ जना संक्रमित थपिँदा २९९ जनाको ज्यान गएको छ ।
अर्जेन्टिनामा २३ हजार ६८३ जना संक्रमित थपिँदा २९० जनाको ज्यान गएको छ ।
कोलम्बियामा १२ हजार ४६४ जना संक्रमित थपिँदा २४७ जनाको ज्यान गएको छ ।
इरानमा २२ हजार ५८६ जना संक्रमित थपिँदा १८५ जनाको ज्यान गएको छ ।
युक्रेनमा १९ हजार ४१९ संक्रमित थपिँदा ४६४ जनाको ज्यान गएको छ ।
