-
-
-
-
काठमाडौँ । नेपाली कांग्रेसका सभापति शेरबहादुर देउवाले प्रजातन्त्र सेनानी, पूर्वमन्त्री एवं तत्कालीन काठमाडौं नगरपालिकाका मेयर प्रयागराज सिंह सुवालको निधनप्रति दुःख व्यक्त गरेका छन् ।
सुवालको यही वैशाख ५ गते ९३ वर्षको उमेरमा काठमाडौँको झोंछे ओमवहालस्थित आफ्नै निवासमा निधन भएको हो ।
सभापति देउवाले शोक विज्ञप्तिमार्फत सुवालको निधनको खबरले आफूलाई दुखित बनाएको उल्लेख गर्दै उनप्रति भावपूर्ण श्रद्धाञ्जलि अर्पण र शोक सन्तप्त परिवारजनमा समवेदना प्रकट गरेका छन् ।
स्व सुवालले नेपालको लोकतान्त्रिक आन्दोलनहरुमा सक्रिय भूमिका निर्वाह गरेको स्मरण गर्दै सभापति देउवाले उनको निधनबाट पार्टीले एक अग्रज व्यक्तित्वलाई गुमाएको उल्लेख गरेका छन् । सुवालका श्रीमती, दुई छोरा र एक छोरी छन् ।
