बंगालमा राजनीतिक दंगा, बीजेपी कार्यकर्तामाथि आक्रमण, नौ जना मारिए
हाम्रा कुरा
प्रकाशित २०७८ वैशाख २१ मंगलबार
1.2k
Shares
काठमाडौं । भारतको पश्चिम बंगालमा विधानसभा निर्वाचनमा मुख्यमन्त्री ममता बनर्जीको पार्टी तृणमूलले जितेपछि प्रमुख प्रतिपक्ष दल भारतीय जनता पार्टी (बीजेपी) का नेता तथा कार्यकर्तामाथि आक्रमण भएको छ । राजनीतिक हिंसाको शिलशिला शुरु भएसँगै कम्तीमा नौ जनाको मृत्यु भएको छ ।
बीजेपीका प्रदेश अध्यक्ष दिलीप घोषको दाबी अनुसार चुनावपछि शुरु भएको हिंसामा २४ घण्टाको अवधिमा ९ जनाको मृत्यु भएको छ । प्रदेशमा त्रासको स्थिति रहेको छ ।
घोषका अनुसार सत्ताधारी पार्टी हात बाँधेर बसेका छन् । पुलिसले कुनै मद्धत नगरेको बताइएको छ । बीजेपीका राष्ट्रिय प्रवक्ता संबित पात्राले खुशी मनाइरहेकाहरु एक घरमा घुसेर तोडफोड गरेको भिडियो सामाजिक संजालमा पोष्ट गरेका छन् ।
नतिजाको दिनमै कोलकातामा बीजेपीको कार्यालयमा आगो लगाइएको छ ।
सोमबार पार्टीका दुई कार्यकर्तालाई कुटी कुटी मारिएको छ । विपक्षी पार्टीका कार्यकर्तामाथि आक्रमण हुन थालेपछि गृह मन्त्रालयले बंगाल सरकारसँग रिपोर्ट मागेको छ ।
नर्थ २४ परगना जिल्लाको भाटपांडामा बीजेपीको कार्यालय र केही पसलमा पनि तोडफोड भएको छ । उक्त क्रममा बम पनि प्रहार भएको छ । कमसे कम १० बम विष्फोट भएको छ ।
बीजेपी नेता कैलाश विजयवर्गीयले बीजेपी कार्यकर्तामाथि ममता बनर्जीको आदेशमा भएको आरोप लगाएका छन् । पार्टीका राष्ट्रिय अध्यक्ष जेपी नड्डा मंगलबार बंगाल जाँदै छन् ।
बीजेपी कार्यकर्ताहरुले कोभिड प्रोटोकलमा रहेर देशैभर धर्ना दिने पनि बताइएको छ ।
