रिभरसाइड स्टेडियम । म्यानचेष्टर सिटी र आर्सनल इङलिश एफए कप फुटबलको सेमिफाइनलमा प्रवेश गरेका छन् । क्वार्टरफाइनलमा म्यानचेष्टरले मिडिल्सब्रोलाई २–० ले हरायो ।
म्यानचेष्टरलाई जिताउन खेलको तेस्रो मिनेटमै डेभिड सिल्भाले गोल गरे । त्यस्तै घरेलु मैदानमा खेलेको मिडिल्सब्रोमाथि जित जित निकाल्न म्यानचेष्टरका लागि अर्को गोल ६७ औं मिनेटमा सर्जियो अगुएरोले गरे ।
त्यस्तै आर्सनलले च्याम्पियनसिप क्लव लिंकनमाथि ५–० को फराकिलो जित निकाल्यो । आर्सनललाई विजयी गराउन थियो वाल्कोट, ओलिभियर जिरु, एलेक्सिस सान्चेज र आरोन राम्सेले गोल गरे ।
अताल्लिएको लिंकनका लुक वाटरफलले आत्मघाती गोल गरेका थिए ।
एफए कप फुटबलमा आइतबार बेलुकी ७ः४५ बजे टोटनह्याम हट्सपरले घरेलु मैदानमा मिल्वालसंग खेल्दैछ ।
