-
-
-
-
न्युयोर्क । पुर्व विश्व नम्बर एक टेनिस खेलाडी मारिया सारापोभा युएस ओपन टेनिसको तेस्रो चरणमा पुगेकी छिन् ।
हंगेरियन खेलाडी टिमिया बाबोसलाई दोस्रो चरणमा पराजित गर्दै रसियन खेलाडी सारापोभा तेस्रो चरणमा पुगेकी हुन् ।
ड्रग प्रयोग गरेको स्वीकारेपछि कोर्टबाट लामो समय टाढा रहेकी सारापोभाले फेरि कोर्टमा फर्किर्दै विजयी यात्रा तय गरेकी हुन् ।
बाबोस विरुद्धको खेल सारापोभाले ६–७, ६–४ र ६–१ ले जितिन् ।
सारापोभाले अब वाइल्डकार्ड साफिया केनिन वा क्वालिफायर सचिया भिकेरीसंग खेल्नेछिन् ।
सारापोभासंगै अमेरिकन खेलाडी भेनस विलियम्स र रसियन खेलाडी इभ्गेनिया रोदिना पनि तेस्रो चरणमा पुगेका छन् ।
पुरुषतर्फ अर्जेन्टाइन हुँवा मार्टिन डेल पोट्रो र क्यानेडियन डेनिस सापोभालोभ तेस्रो चरणमा पुगेका छन् ।
आठौं वरियताका फ्रेन्च खेलाडी जो वेलफ्रेड सोंगाले सापोभालोभसंग पराजय भोगेका छन् ।
सोंगाको हारसंगै शिर्ष ११ वरियताका पाँच खेलाडी घाइते भइ नखेल्दा अब नयाँ खेलाडीलाई किर्तिमान रच्न अझै सजिलो भएको छ ।
