-
-
-
-
काठमाडौं । नेपाल अक्सिजन ग्याँस उत्पादक सङ्घले सम्पूर्ण व्यक्ति, सङ्घसंस्था एवं उद्योगहरूलाई प्रयोगमा नरहेका सिलिन्डरहरू फिर्ता गर्न आह्वान गरेको छ ।
काठमाडौँ उपत्यकाका नौ उद्योग सदस्य रहेको सङ्घका अध्यक्ष गौरव शारदाले शुक्रवार एक विज्ञप्ति जारी गर्दै यस्तो आग्रह गरेका हुन् ।
तपाइहरूको यो योगदानले धेरैको ज्यान जोगिन सक्छ विज्ञप्तिमा उल्लेख छ । कोभिड१९ को सङ्क्रमण बढ्दै गइरहेका बेला अक्सिजन सिलिन्डरहरूको माग पनि बढिरहेको अवस्था छ ।
यस्तोमा धेरै मानिस एवं उद्योगहरूमा प्रयोगमा नआएका अक्सिजन सिलिन्डरहरू रहेको पाइएपछि सङ्घले विज्ञप्ति जारी गरेको हो ।यसअघि स्वास्थ्य मन्त्रालयले समेत अक्सिजन सिलिन्डरहरू फिर्ता गर्न आग्रह गरेको थियो ।
