-
-
-
-
काठमाडौं । नेकपा एमालेका नेता भीम रावल नेपाली कांग्रेसका सभापति शेरबहादुरसँग भेटेर बुढानिलकण्ठबाट बाहिरिएका छन् । उनी शुक्रबार दिउसो सवा तीनबजे देउवा निवास पुगेका थिए भने पाँच बजेर दश मिनेट जाँदा बाहिरिएका हुन् ।
रावलले बुढानिलकण्ठमा सभापति देउवासहित महामन्त्री पूर्णवहादुर खड्का र कांग्रेस प्रमुख सचेतक बालकृष्ण खांँडसँग भेटघाट गरेका छन् ।
कांग्रेस स्रोतका अनुसार भेटमा २७ बैशाखका लागि डाकिएको प्रतिनिधि सभाको विशेष अधिवेशनका विषयमा कुराकानी भएको छ ।
रावल एमाले भित्रको माधव नेपाल समूहका प्रभावशाली नेता हुन् । उनको सम्वन्ध एमालेमा प्रधानमन्त्री एवम् अध्यक्ष केपी शर्मा ओलीसँग राम्रो छैन भने पछिल्लो समय झनै बिग्रिएको छ ।
