-
-
-
-
काठमाडौं । प्रमुख प्रतिपक्षी दलका सभापति शेरबहादुर देउवालाई भेटेर जसपा अध्यक्ष महन्थ ठाकुर र नेता राजेन्द्र महतो वालुवाटार छिरेका छन् ।
उनीहरु देउवासँगको भेटपछि आफ्नो धारणा प्रधानमन्त्री केपी शर्मा ओलीलाई सुनाउन बालुवाटार पुगेका हुन् ।
अहिलेसम्म जसपा आधिकारिक रुपमा ओलीलाई विश्वासको मत दिने/नदिनेबारे खुलेको छैन । तर कांग्रेसले ओलीलाई मत नदिने भएपछि उनीहरु अलमलमा परेका छन् ।
सम्भवतः जसपा पनि ओलीलाई विश्वासको मत नदिने र सकेसम्म तठस्थ बस्ने रणनीतिमा छ । किनेभने आफ्नो दल भित्रको आन्तरिक विवाद पनि यतिबेला महन्थलाई निर्णय गर्न तगारो बनिरहेको छ ।
जसपा भित्रका नेताहरु बाबुराम भट्टराई र उपेन्द्र यादव भने ओलीलाई मत नदिने र वैकल्पिक सरकार बनाउने पक्षमा कांग्रेससहित माओवादी केन्द्रको कित्तामा उभिंदै आइरहेका छन् ।
