-
-
-
-
काठमाडौं । विपक्षी गठबन्धन आबद्ध १४६ सांसदहरुले नेपाली कांग्रेसका सभापति शेरबहादुर देउवालाई प्रधानमन्त्री नियुक्त गर्न र संसद विघटन बदर गर्न माग गर्दै सर्वोच्च अदालतमा रिट दायर गरेका छन् ।
कांग्रेस नेता रमेश लेखकले विपक्षी पाँच दल आबद्ध सांसदहरु नागरिकतासहित सशरीर सर्वोच्च हाजिर भएर रिट दायर गरेको जानकारी दिए । उनले रिटमा मुख्य दुई विषयलाई समावेश गरिएको बताए ।
लेखकका अनुसार रिटमा संविधानको धारा ७६ (५) अनुसार प्रधानमन्त्रीमा बहुमत पुर्याएर माग दाबी गरेका शेरबहादुर देउवालाई प्रधानमन्त्री नियुक्त गर्न र प्रतिनिधि सभा पुर्नस्थापनाको आदेश माग गरिएको छ ।
