-
-
-
-
काठमाडौं । संसद विघटन विरुद्धका रिटमाथि संवैधानिक इजलासमा सुनुवाइ शुरु भएको छ । गत शुक्रबारबाट शुरु भएको रिटमाथिको सुनुवाइ त्यस दिन हेर्दाहेर्दैमा राखिएको थियो ।
प्रधानन्यायाधीश चोलेन्द्र शमशेर जबरा नेतृत्वको संवैधानिक इजलासमा सुनुवाइ शुरु भएको हो । आइतबारको सुनुवाइमा रिट निवेदक तर्फबाट बहस गर्ने अधिवक्ताहरुले संवैधानिक इजलासमा राखिएका न्यायाधीश बमकुमार श्रेष्ठबारे पुनः प्रश्न उठाउने तयारी गरिरहेका छन् ।
उनले तत्कालीन नेकपाको एकता खारेज गर्दै एमाले र माओवादी केन्द्र ब्युँताउने निर्णय गरेको भन्दै संवैधानिक इजलासमा विरोध हुँदै आइरहेको छ ।
शुक्रबारको सुनुवाइको क्रममा नै अधिवक्ता गोविन्द बन्दीले सो विषयमा प्रश्न उठाएका थिए । त्यसपछि अन्य अधिवक्ताहरुले पनि सो विषयमा आवाज उठाएका थिए । तर, प्रधानन्याधीश जबराले भने व्यक्तिमा केन्द्रित हुन नहुने भन्दै मुद्दालाई हेर्दाहेर्दैमा राखेका थिए ।
शेरबहादुर देउवा समेतको रिटको सुनुवाई समेत अहिले भइरहेको छ ।
