पछिल्लो २४ घण्टामा निको हुनेभन्दा सङ्क्रमित हुने बढे

७५ जना सङ्क्रमितले ज्यान गुमाए

हाम्रा कुरा

प्रकाशित २०७८ जेठ २० बिहिबार

काठमाडौं । पछिल्लो २४ घण्टामा देशभर थप ६ हजार ८ सय २५ जनामा कोरोना भाइरसको सङ्क्रमण पुष्टि भएको छ । योसँगै हालसम्म कोभिड१९बाट सङ्क्रमितको हुनेको सङ्ख्या ५ लाख ८६ हजार ५ सय ९ पुगेको छ ।

यस्तै पछिल्लो २४ घण्टामा ५ हजार ९ सय ४ जना सङ्क्रमित सङ्क्रमणमुक्त भएका छन् । योसँगै हालसम्म सङ्क्रमणमुक्त हुनेको सङ्ख्या ४ लाख ६७ हजार ४ सय ६७ पुगेको छ ।

यस्तै पछिल्लो २४ घण्टामा ७५ जना सङ्क्रमितले ज्यान गुमाएका छन् । योसँगै हालसम्म कोभिड१९को सङ्क्रमणका कारण ज्यान गुमाउनेको सङ्ख्या ७ हजार ६ सय ३० पुगेको छ ।