-
-
-
-
काठमाडौं । सर्वोच्च अदालतका प्रधानन्यायाधीश चोलेन्द्रशमशेर जबराले प्रतिनिधिसभा विघटनविरुद्ध परेका रिटमाथि सुनुवाइका लागि संवैधानिक इजलास पुनर्गठन गरेका छन् ।
जबराले यसअघि गठन गरेको संवैधानिक इजलासका विषयमा विवाद भएपछि वरिष्ठताका आधारमा इजलास गठन गर्ने निर्णय गरेका थिए । जबराले आइतबार बिहान वरिष्ठताका आधारमा इजलास गठन गरेका हुन् ।
जसअनुसार संवैधानिक इजलासमा प्रधानन्यायाधीश जबरा, न्यायाधीश दीपककुमार कार्की, मीरा खड्का, ईश्वरप्रसाद खतिवडा र डा. आनन्दमोहन भट्टराई तोकिएका हुन् ।
जबराले संवैधानिक इजलास पुनर्गठन गरेर आइतबारबाट प्रतिनिधि सभा विघटन सम्वन्धी मुद्दाको सुनुवाइ गर्ने यसअघि निर्णय गरेका थिए ।
