-
-
-
-
पोखरा । गण्डकी प्रदेशसभा सदस्य कृष्ण थापाको सांसद पद कायमै रहेको छ । सर्वोच्च अदालतले उनलाई सांसदकै हैसियतले काम गर्न दिन अन्तरिम आदेश दिएको हो ।
पार्टीको निर्देशन अवज्ञा गरेको भन्दै राष्ट्रिय जनमोर्चाले पार्टीको साधारण सदस्यता र सांसद पद दुवै नरहने गरी कारबाही गरेको थियो । पार्टी निर्णय विरुद्ध उनी सर्वोच्च अदालत पुगेका थिए ।
सर्वोच्चका न्यायाधीश डा. कुमार चूडालको एकल इजलासले थापालाई सांसद पदमै राखेर काम गर्न दिन आदेश दिएको हो । सांसद थापाको पद जोगिएसँगै मुख्यमन्त्री पृथ्वी सुब्बा गुरुङलाई राहत मिलेको छ ।
