-
-
-
-
पोखरा । गण्डकी प्रदेशमा सक्रिय कोरोना संक्रमितको संख्या ह्वात्तै घटेको छ । गण्डकीमा पछिल्लो चार दिन यता सक्रिय संक्रमितको संख्या ह्वात्तै घटेको हो ।
पछिल्लो चार दिनमा गण्डकीमा २४ सय १ जना सक्रिय संक्रमितको संख्या घटेको हो । गण्डकीमा हाल ६८ सय २० जना सक्रिय संक्रमित छन् ।
यो साताको पहिलो दिन आइतबार गण्डकीमा सक्रिय संक्रमितको संख्या ९२ सय २१ थियो । सोमबार संख्या घटेर ८४ सय ६५ जना रहेकोमा मंगलबार ७९ सयमा आइपुगेको थियो ।
पछिल्लो २४ घण्टामा बुधबार यो संख्या ह्वात्तै घटेर ६८ सय २० जनामा आइपुगेको छ । गण्डकीमा आज हालसम्मकै सबैभन्दा धेरै १७ सय ३३ जना संक्रमित निको भए ।
गण्डकीमा कोरोना संक्रमित हुने दर निकै घटेको र संक्रमित भएकाहरु निको हुनेको संख्या उच्च रहेकाले सक्रिय संक्रमित घटेको तथ्यांकले देखाउँछ ।
