मन्त्रिपरिषद विस्तार गर्दै ओलीः गृहमा खगराज र संचारमा बादलपत्नी नैनकला

हाम्रा कुरा

प्रकाशित २०७८ जेठ २७ बिहिबार

काठमाडौं । प्रधानमन्त्री केपी शर्मा ओलीले आठ जना मन्त्री थप्ने तयारी गरेका छन् । यसअघि २५ जेठमा मन्त्रिपरिषद् पुनर्गठन गरेका ओलीले विहीबार अन्य आठ जना मन्त्रीहरु थप्न लागेका हुन् ।

प्रधानमन्त्री निवास बालुवाटार स्रोतका अनुसार ओलीले सात मन्त्री र एक राज्यमन्त्री थप्ने तयारी गरेका हुन् । उनीहरुको साँझ ४ बजे शपथ गराउने तयारी भएको छ ।

ओलीले गृहमन्त्रीमा खगराज अधिकारीलाई नियुक्तको तयारी गरेका छन् भने राम बहादुर थापा बादलपत्नी नैनकला थापालाई संचार मन्त्रालयको जिम्मेवारी दिन लागेको बुझिएको छ ।

वन मन्त्रीमा नारदमुनि राना, कृषिमन्त्रीमा ज्वालाकुमारी शाह, उद्योगमा राजकिशोर यादव, सामान्य प्रशासनमा गणेश पहाडीलाई नियुक्ती तयारी भएको छ ।

मोहन बाँनियालाई प्रधानमन्त्री तथा मन्त्रिपरिषद्को कार्यालय र आशा विकलाई वन राज्यमन्त्रीको जिम्मेवारी दिने तयारी भएको छ । रक्षा मन्त्रालय भने प्रधानमन्त्री ओली आफैंले सम्हाल्ने भएका छन् ।