-
-
-
-
पोखरा । गण्डकी प्रदेशका सांसद कृष्ण थापा फेरि बर्खास्त भएका छन् । थापालाई सांसद पदबाट बर्खास्त गरिएको पत्र गण्डकी प्रदेको संसद सचिवालयमा दर्ता भएको छ ।
पार्टीको निर्देशन उल्लङ्घन गरेको भन्दै राष्ट्रिय जनमोर्चाले सांसद थापालाई बर्खास्त गरेको जनाएको छ ।
सांसद थापाले बिहीबार मुख्यमन्त्री पृथ्वीसुब्बा गुरुङले विश्वासको मत लिने क्रममा तटस्थमा मत दिएका थिए । तर पार्टीले सांसदलाई विपक्षमा मतदान गर्न ह्विप जारी गरेको थियो ।
थापालाई पार्टीले सांसद पद र पार्टीको साधारण सदस्यतासमेत नरहने गरी कारबाही गरेको थियो । त्यसपछि उनी सर्वोच्च अदालत पुगेका थिए ।
सर्वोच्चले ह्विप उलङ्घन गरिएको नदेखिएको भन्दै थापालाई संसद पद थमौती गरेको थियो ।
