-
-
-
-
काठमाडौँ । गण्डकी प्रदेशमा नयाँ सरकार गठनका लागि आह्वान गरिएको छ । गण्डकी प्रदेश प्रमुख सीताकुमारी पौडेलले संविधानको धारा १६८ को उपधारा ५ अनुसार नयाँ सरकार गठनका लागी आह्वान गरेकी हुन् । नयाँ सरकार दाबी गर्न शनिवार तीन बजेसम्मको समय दलहरूलाई उपलब्ध गराइएको छ ।
मुख्यमन्त्रीले पृथ्वीसुब्बा गुरुङले बिहीबार गण्डकी प्रदेश सभामा विश्वासिलो मत नपाउँदा सो प्रदेशमा सरकार ढलेको छ । नयाँ सरकार गठन नहुँदासम्म मौजुदा मन्त्रीपरिषद्लाई नै काम गर्ने अधिकारसमेत दिइएको छ ।
गण्डकीमा नयाँ सरकारको दाबी गर्ने विपक्षी गठबन्धनको तयारी छ । उनीहरूले आज नै आवश्यक ३१ सांसद सशरीर उपस्थित भई सरकारमा आफ्नो बहुमत रहेको दाबी गर्ने तयारी गरेका छन् ।
