-
-
-
-
पोखरा । गण्डकी प्रदेश सरकारले मन्त्री कुमार खड्कालाई सरकारको प्रवक्ता तोकेको छ । आइतबार बसेको पहिलो मन्त्रिपरिषद् बैठकले मन्त्री खड्कालाई प्रवक्ता तोकेको हो ।
नेपाली काँग्रेसका आमन्त्रित केन्द्रीय सदस्य रहेका प्रवक्ता खड्का पूर्व महिला, बालबालिका तथा समाज कल्याण मन्त्री हुन् ।
पोखरा महानगरपालिका वडा नं १६ निवासी मन्त्री खड्काले यस अघि पनि सरकारमा मन्त्री भएर भूमिका निर्वाह गरेका कारण उनको अनुभवले गण्डकी प्रदेश सरकार सञ्चालनमा थप योगदान पुग्ने अपेक्षा गरिएको छ ।
बैठकमा सरकारको आगामी नीति तथा कार्यक्रमलगायत विषयमा छलफल भएको छ । बैठकले पूर्व मुख्यमन्त्रीलाई सुविधा उपलब्ध गराउने निर्णय गरेको छ ।
