करिब ३ हजार संक्रमित थपिए, ४ हजारभन्दा बढी संक्रमणमुक्त

हाम्रा कुरा

प्रकाशित २०७८ असार १ मंगलबार

काठमाडौं । पछिल्लो २४ घण्टामा थप २ हजार ७ सय ४५ जनामा कोरोना भाइरसको संक्रमण पुष्टि भएको छ । योसँगै हालसम्म कोभिड१९ संक्रमितको संख्या ६ लाख १२ हजार २ सय २ पुगेको छ ।

यस्तै पछिल्लो २४ घण्टामा थप ४ हजार १ सय ८७ जना कोभिड१९ संक्रमणमुक्त भएका छन् । योसँगै हालसम्म संक्रमणमुक्त हुनेको संख्या ५ लाख ४० हजार ४ सय ३९ पुगेको छ ।

यस्तै पछिल्लो २४ घण्टामा थप ४१ जनाको मृत्यु भएको छ । योसँगै हालसम्म मृत्यु हुनेको संख्या ८ हजार ५ सय ६ पुगेको छ ।

हाल सक्रिय संक्रमितको संख्या ५४ हजार ४ सयल ३९ रहेको छ । पछिल्लो २४ घण्टामा १३ हजार २ सय ९० जनाको संक्रमण परीक्षण गरिएको छ । जसमध्ये ७ हजार ४ सय ४९ को पीसीआर र ५ हजार ८ सय ४१ को एन्टीजेन विधिमा नमुना परीक्षण गरिएको छ ।

पछिल्लो २४ घण्टाको तथ्यांकले संकमण दर २०.६५ प्रतिशत रहेको देखिन्छ ।