विद्यार्थी नेता राजेन्द्र बमले अस्पतालका स्वास्थ्यकर्मीलाई सम्मान गरेर मनाए जन्मदिन

हाम्रा कुरा

प्रकाशित २०७८ असार ६ आइतबार

काठमाडौं । विद्यार्थी नेता एवं निवर्तमान स्ववियू सभापति राजेन्द्र बमले कोभिड १९ महामारीमा अग्रपङ्तीमा खटिएका स्वास्थ्यकर्मीलाई सम्मान गर्दै जन्मदिन मनाएका छन् ।

आइतबार नेता बमल कैलालीको सेती प्रादेशिक अस्पतालका स्वास्थ्यकर्मीलाई सम्मान स्वरुप दोसल्ला ओडाएर मायाको चिनो प्रदान गर्दै जन्मदिन मनाएका हुन् ।

जन्मदिनको अवसरमा नेता बमले सेती प्रादेशिक अस्पतालका अध्यक्ष एवं अस्पतालमा कार्यरत डाक्टर, नर्सलगायतका स्वास्थ्यकर्मीलाई सम्मान व्यक्त गरेका हुन् ।

आफ्नो र आफ्ना परिवारको ज्यान नै जोखिममा रहने गरी महामारीमा जनताको सेवामा समर्पित स्वास्थ्यकर्मीमाथि नेता बमले सम्मान व्यक्त गरे ।

विश्व युवा हिन्दु संघका केन्द्रीय सदस्यसमेत रहेका नेता बमले चिकित्सक र नर्सहरुमाथि हुने गरेका हिंसात्मक घटनाको समेत विरोध गरेका छन् ।

गत बर्ष जन्मदिनको अवसरमा वृक्षारोपण गरेर मनाएका नेता बमले यस वर्षको अग्रपङ्तीमा खटिएका स्वास्थ्यकर्मीहरुलाई सम्मान व्यक्त गर्दै मनाएका हुन् । नेता बम कृषि क्याम्पस गोकुलेश्वर बैतडीका निवबर्तमान स्ववियु सभापति हुन् ।