-
-
-
-
पोखरा । तनहुँको बन्दीपुर गाउँपालिका वडा नं ३ तामुङमा पहिरोले पाँच घर पुरेको छ । पहिरोमा पुरिएर दुई जना बेपत्ता भएको बताइएको छ । घर माथिबाट खसेको पहिरोले घर पुरेको र दुई बेपत्ता भएकाले खोजी थालिएको तनहुँ प्रहरीले जनाएको छ ।
प्रहरी नायब उपरीक्षक युवराज तिमिल्सिनाका अनुसार प्रहरीको एक टोली घटनास्थलमा गएको छ । यसैबीच भारी वर्षाका कारण व्यास १ र १३ जोड्ने छाब्दी खोलाको पुल बगाएको छ । पुल बगेपछि बिहानैदेखि दुई वडाको सम्पर्कविच्छेद भएको छ ।
छाब्दी खोलामा ठूलो बाढी आएपछि पुल भत्किएका र स्थानीयका केही घर जोखिममा परेको बताइएको छ ।
