-
-
-
-
पोखरा । कोरोना भाइरस संक्रमणबाट गण्डकी प्रदेशमा मङ्गलवार ६ जनाको मृत्यु भएको छ । मृत्यु हुनेमा दुई जना महिला र चार जना पुरुष छन् ।
जसमा पाँच जनाको मृत्यु पोखरामा र एक जनाको मृत्यु चितवनमा भएको प्रदेश स्वास्थ्य आपत्कालीन कार्य सञ्चालन केन्द्रका संयोजक नवराज शर्माले जानकारी दिए ।
मृत्यु हुनेमा नवलपरासी पूर्व, तनहुँ, बागलुङ, स्याङ्जा, म्याग्दी र लमजुङका एक एक जना छन् । योसहित गण्डकीमा कोरोनाबाट मृत्यु हुनेको कूल सङ्ख्या एक हजार आठ जना पुगेको छ ।
गण्डकीमा मङ्गलवार ४४८ जना संक्रमित निको भएको संयोजक शर्माले जानकारी दिए ।
यसैबिच कास्कीमा १४९ जनासहित गण्डकीमा मङ्गलवार ३४४ जना संक्रमित थपिएका छन् । योसहित गण्डकीमा कूल संक्रमितको सङ्ख्या ५९ हजार ७८५ जना पुगेको छ ।
