-
-
-
-
काठमाडौं । भूकम्पले शुक्रबार बिहानै काठमाडौं उपत्यकालाई हल्लाएको छ । राष्ट्रिय भूकम्प मापन तथा अनुसन्धान केन्द्रका अनुसार भक्तपुरको सल्लाघारी आसपास केन्द्रविन्दु भएर भूकम्प गएको हो । भूकम्पको मापन थोरै नै भए पनि त्यसले झड्का भने ठूलै दिएको थियो ।
३.५ रेक्टर स्केलको भूकम्प गएको हो । भूकम्प बिहान ७ः०५ बजे गएको केन्द्रका भूकम्पविद् डा मुकुन्द भट्टराईले जानकारी दिए ।
क्षतिको विवरण भने आइसकेको छैन । केन्द्रले ४ रेक्टर स्केलभन्दा कमको क्षमतालाई गणनामा राख्ने गरेको छैन ।
उक्त भूकम्प २०७२ साल बैशाख १२ गते गएको गोरखा भूकम्पको पराकम्पन भएको राष्ट्रिय भूकम्प मापन तथा अनुसन्धान केन्द्रले जनाएको छ । उक्त भूकम्प गएको ६ वर्ष नाघे पनि अहिलेसम्म पराकम्पन आउन छाडेको छैन ।
