-
-
-
-
जनकपुरधाम । जनकपुर विमानस्थलबाट वन्यजन्तुको छालासहित एक यात्रुलाई प्रहरीले पक्राउ गरेको छ। पक्राउ पर्नेमा महोत्तरीको बर्दिबास नगरपालिका वडा नम्बर ११ खैरमारा घर भएका ४३ वर्षीय दोर्जे लामा रहेका छन् ।
जनकपुरधाम विमानस्थलबाट लामालाई वन्यजन्तु सुन गोहोरोको जस्तो देखिने दुई थान छालासहित पक्राउ गरेको जिल्ला प्रहरी कार्यालय धनुषाले जानकारी दिएको छ ।
जनकपुरबाट काठमाडौँ जान लागेका लामालाई विमानस्थल प्रहरीले पक्राउ गरेको हो । प्रहरीले चेकजाँच गर्ने क्रममा झोलाभित्र छाला फेला पारेपछि उनलाई पक्राउ गरिएको थियो । लामालाई प्रहरी हिरासतमा राखेर अनुसन्धान भइरहेको जिल्ला प्रहरी कार्यालय धनुषाका उपरीक्षक प्रकाश रानाभाटले बताए ।
