हेल्मेट नलगाई मोटरसाइकल चलाएका पारसलाई प्रहरीले समात्यो, त्यसपछि भयो यस्तो(भिडियो)
हाम्रा कुरा
प्रकाशित २०७८ साउन १५ शुक्रबार
1.6k
Shares
काठमाडौं। काठमाडौंको महाराजगञ्जस्थित सडकमा प्रहरीसँग झगडा गरेको भिडियोले फेरि पूर्वयुवराज पारस शाह एकाएक चर्चामा आएका छन् ।
हेल्मेट नलगाई सडकमा मोटरसाइकल लिएर हिडेका पारसलाई प्रहरीले रोकेपछि उनले प्रहरीसँग लर्वरिएको स्वरमै विवाद गरेका थिए। पारसलाई प्रहरीले हेल्मेट लगाएर हिड्नु भनेपछि पारसले उल्टै प्रहरीलाई गाली गरेका थिए ।
शुक्रबार साँझ ७ः३० बजे पारसले महाराजगञ्ज चोक नजिकै प्रहरीसँग झगडा गरेको भिडियो सामाजिक संजालमा समेत व्यापक बनेको छ । दुब्लो र ख्याउटे अनुहारका पारससँगै उनलाई केहि उनका समर्थकले साथ दिएको भिडियोमा सुन्न सकिन्छ।
प्रहरीले पारसको हातमा समातेर तान्दै गरेको र पारसले बारम्बार जान्न भन्दै प्रहरीसँग विवाद गरेको भिडियोमा देख्न सकिन्छ ।
डिउटीमा रहेका प्रहरीले वाकीटकीमा पारसले रक्सी खाएर हेल्मेट नलगाई हिडेकोले छिटो गाडी पठाउन भनेको समेत सुन्न सकिन्छ।
समर्थकहरुको भिड बढ्दै गएपछि प्रहरीले समातेर राखेका पारसलाई उनीहरुले छुटाएर होहल्ला गर्दै लगेका थिए । यसबारेमा प्रहरीका तर्फबाट प्रतिक्रिया आएको छैन ।
