-
-
-
-
जनकपुरधाम । प्रदेश नम्बर २ का भूमि व्यवस्था कृषि तथा सहकारी मन्त्री शैलेन्द्र प्रसाद साहले जैविक मलबाट माटो, जल र वायुलाई फाइदा गर्ने बताएका छन् । धनुषाधाम नगरपालिका वडा नम्बर ३ को तेजनगर जानकी निवासमा आरोह फर्टिलाइजर प्रालि उद्योगको शिलान्यास गर्दै मन्त्री साहले यस्तो बताएका हुन् ।
नेपालकै सबैभन्दा ठुलो जैविक मल उद्योग भएको बताउँदै मन्त्री साहले उक्त उद्योग सञ्चालन गराउनमा सबैभन्दा बढी सहयोग गर्नुपर्ने बताए । उनले नेपाल सरकारले अहिलेसम्म ३ प्रतिशत भन्दा बढी कृषि प्रधान देशमा लगानी नगरेको बताए ।
कार्यक्रममा आरोह फर्टिलाइजर प्रालिका अध्यक्ष शैलेन्द्र शमशेर राणा तथा आङ्कामी लामा उद्योग बारे जानकारी दिएका थिए । उद्योग मनोज प्रताप मल्लको जमिन ३ विघाहा १२ कट्ठा १० धुर रहेको छ । उद्योग सञ्चालन गर्नमा २८ करोड स्टमेट गरेको र ९ महिना भित्र उद्योग सञ्चालन गरिने जानकारी दिइयो । उद्योगबाट वार्षिक ७ हजार ५ सय मेट्रिक टन मल उत्पादन हुने छ ।
