-
-
-
-
काठमाडौं। पछिल्लो २४ घण्टामा थप ३ हजार १ सय २५ जनामा कोभिड १९ को सङ्क्रमण पुष्टि भएको छ ।
योसँगै हालसम्म पिसिआर विधिबाट ६ लाख ९९ हजार ६ सय ४९ जनामा र एन्टिजेन विधिबाट ६२ हजार ७ सय ८३ जनामा कोरोना भायरसको संक्रमण पुष्टि भएको छ ।
यस्तै पछिल्लो २४ घण्टामा थप १ हजार ९ सय २५ जना सङ्क्रमणमुक्त भएका छन् । योसँगै हालसम्म सङ्क्रमणमुक्त हुनेको सङ्ख्या ६ लाख ५८ हजार १ सय २२ पुगेको छ ।
यस्तै पछिल्लो २४ घण्टामा २३ जनाको मृत्यु भएको छ । योसँगै हालसम्म मृत्यु हुनेको सङ्ख्या ९ हजार ८ सय ९८ पुगेको छ।
पछिल्लो २४ घण्टामा १३ हजार ८ सय ११ जनाको नमुना परीक्षण गरिएको छ । हाल देशभर सक्रिय संक्रमितको संख्या ३१ हजार ६ सय २९ रहेको छ ।
हाल ६ सय ९० जनाको आईसीयु र १ सय ७५ जनाको भेन्टीलेटरमा उपचार भइरहेको छ ।
हालसम्म ४१ लाख ६३ हजार २ सय ५१ जनाले कोरोना भाइरसविरुद्धको खोपको एक मात्रा र २० लाख २ सय ११ जनाले पूर्ण खोप लगाइ सकेका छन् ।
