पोखरा । गण्डकी प्रदेशमा कोरोना संक्रमणबाट बिहीबार पाँच जनाको मृत्यु भएको छ भने ५०४ जना संक्रमित थपिएका छन् ।
बिहीबार मृत्यु हुनेमध्ये बागलुङका दुई, कास्की, तनहुँ र म्याग्दीका एक एक जनाको मृत्यु भएको छ । योसहित गण्डकीमा कोरोना संक्रमणबाट मृत्यु हुनेको सङ्ख्या १२ १२ सय २१ जना पुगेको छ ।
बिहीबार कास्कीमा २६८ जना संक्रमित थपिएका छन् । यस्तै, नवलपरासी पूर्वमा २५, स्याङ्जामा ५५, बागलुङमा २५, तनहुँमा ३८, लमजुङमा ३९, गोरखामा २३, पर्वतमा दुई र बागलुङमा १९ जना संक्रमित थपिएको गण्डकी स्वास्थ्य आपत्कालीन कार्य सञ्चालन केन्द्रका संयोजक नवराज शर्माले जानकारी दिए ।
यसै गरी गण्डकीमा पछिल्लो २४ घण्टामा ५१० जना कोरोना संक्रमित निको भएको शर्माले बताए । उनका अनुसार गण्डकीमा हाल ५८ सय ७३ जना सक्रिय संक्रमित रहेका छन् ।
गण्डकीका ११ जिल्लामध्ये सबैभन्दा धेरै सक्रिय संक्रमित कास्कीमा रहेको छ । बिहीबार सार्वजनिक तथ्याङ्क अनुसार कास्कीमा २२ सय ७४ जना सक्रिय संक्रमित छन् ।
