कोरोना अपडेट : ३ हजार भन्दा बढी संक्रमित थपिए, २६ जनाको मृत्यु

हाम्रा कुरा

प्रकाशित २०७८ भदौ ४ शुक्रबार

काठमाडौं। पछिल्लो २४ घण्टामा थप ३ हजार ४२ जनामा कोभिड १९ को सङ्क्रमण पुष्टि भएको छ । योसँगै हालसम्म पिसिआर विधिबाट ७ लाख ४४ हजार ३ सय ७ जनामा र एन्टिजेन विधिबाट ७९ हजार ३ सय ४० जनामा कोरोना भाइरसको सङ्क्रमण पुष्टि भएको छ ।

यस्तै पछिल्लो २४ घण्टामा थप २ हजार २ सय ४४ जना सङ्क्रमणमुक्त भएका छन् । योसँगै हालसम्म सङ्क्रमणमुक्त हुनेको सङ्ख्या ६ लाख ९३ हजार ५ सय ४३ पुगेको छ ।

यस्तै पछिल्लो २४ घण्टामा २६ जनाको मृत्यु भएको छ । योसँगै हालसम्म मृत्यु हुनेको सङ्ख्या १० हजार ४ सय ५५ पुगेको छ। पछिल्लो २४ घण्टामा १७ हजार ६ सय ५४ जनाको नमुना परीक्षण गरिएको छ ।