कोरोना अपडेट : १,६६४ संक्रमित थपिए, १,७८६ निको भए

हाम्रा कुरा

प्रकाशित २०७८ भदौ १५ मंगलबार

काठमाडौं। पछिल्लो २४ घण्टामा थप १ हजार ६ सय ६४ जनामा कोभिड १९ को सङ्क्रमण पुष्टि भएको छ। योसँगै हालसम्म पिसिआर विधिबाट ७ लाख ६२ हजार ६ सय ४७ जनामा र एन्टिजेन विधिबाट ८३ हजार ५ सय ५ जनामा कोरोना भाइरसको सङ्क्रमण पुष्टि भएको छ ।

यस्तै पछिल्लो २४ घण्टामा थप १ हजार ७ सय ८६ जना कोभिड१९को सङ्क्रमणमुक्त भएका छन् । योसँगै हालसम्म सङ्क्रमणमुक्त हुनेको सङ्ख्या ७ लाख १६ हजार ३ सय ६ पुगेको छ ।

यस्तै पछिल्लो २४ घण्टामा २० जनाको मृत्यु भएको छ । योसँगै हालसम्म मृत्यु हुनेको सङ्ख्या १० हजार ७ सय ५० पुगेको छ। पछिल्लो २४ घण्टामा १२ हजार २ सय २२ जनाको नमुना परीक्षण गरिएको छ ।