कोरोना अपडेट: एकै दिन तीन हजार बढी निको भए, सक्रिय संक्रमित संख्या ३४ हजारमा झर्यो
हाम्रा कुरा
प्रकाशित २०७८ भदौ १६ बुधबार
1k
Shares
काठमाडौं। पछिल्लो २४ घण्टामा कोभिड-१९बाट सङ्क्रमित तीन हजारभन्दा बढी मानिस सङ्क्रमणमुक्त भएका छन् । यस्तै दुई साताअघि ४० हजार पुगेको सक्रिय सङ्क्रमितको सङ्ख्या समेत ३४ हजारमा झरेको छ ।
पछिल्लो २४ घण्टामा थप २ हजार ५२ जनामा कोभिड १९ को सङ्क्रमण पुष्टि भएको छ। योसँगै हालसम्म पिसिआर विधिबाट ७ लाख ६४ हजार २ सय ९५ जनामा र एन्टिजेन विधिबाट ८३ हजार ९ सय ९ जनामा कोरोना भाइरसको सङ्क्रमण पुष्टि भएको छ ।
यस्तै पछिल्लो २४ घण्टामा थप ३ हजार ३० जना कोभिड१९को सङ्क्रमणमुक्त भएका छन् । योसँगै हालसम्म सङ्क्रमणमुक्त हुनेको सङ्ख्या ७ लाख १९ हजार ३ सय ३६ पुगेको छ ।
यस्तै पछिल्लो २४ घण्टामा २० जनाको मृत्यु भएको छ । योसँगै हालसम्म मृत्यु हुनेको सङ्ख्या १० हजार ७ सय ७० पुगेको छ। पछिल्लो २४ घण्टामा १४ हजार ९ सय ३५ जनाको नमुना परीक्षण गरिएको छ ।
हाल ५ सय ६३ जनाको आइसियु र १ सय ७० जनाको भेन्टिलेटरमा उपचार भइरहेको छ । हाल सक्रिय सङ्क्रमितको सङ्ख्या ३४ हजार १ सय ८९ रहेको छ ।
