पोखरामा पहिरोले घर पुरिँदा दुई जनाको मृत्यु, एक जना बेपत्ता
हाम्रा कुरा
प्रकाशित २०७८ भदौ १७ बिहिबार
1.5k
Shares
पोखरा । भारी वर्षासँगै पोखरा महानगरपालिका वडा नं. २० भलाममा पहिरोले घर पुरिएको छ ।
र्यालेचौरस्थित महेन्द्र मावि स्कुल नजिकैका स्थानीय कृष्ण श्रेष्ठको घर पुरिँदा दुई जनाको मृत्यु भएको बताइन्छ ।
मृत्यु हुनेमा कृष्ण श्रेष्ठ र उनकी श्रीमती सुनमाया तामाङ रहेको जिल्ला प्रहरी कार्यालय कास्कीले जनाएको छ ।
कास्की प्रहरी प्रवक्ता सुवास हमालका अनुसार पहिरोमा पुरिएर बेपत्ता भएका श्रेष्ठको उपचारका क्रममा मृत्यु भएको हो ।
पहिरोमा परि श्रेष्ठका तीन वर्षीय छोरा सन्तोष श्रेष्ठ बेपत्ता भएका छन् भने नौ वर्षीय छोरा राजकुमार श्रेष्ठ घाइते भएको पत्रकार सूर्य बास्तोलाले जानकारी दिए ।
अविरल वर्षाका कारण भलामका धेरै घर पहिरोको जोखिममा रहेको उनले बताए ।
