कोरोना अपडेट : २,००४ संक्रमित थपिए, १,८४६ निको भए

हाम्रा कुरा

प्रकाशित २०७८ भदौ १७ बिहिबार

काठमाडौँ। पछिल्लो २४ घण्टामा थप २ हजार ४ जनामा कोभिड १९ को सङ्क्रमण पुष्टि भएको छ। योसँगै हालसम्म पिसिआर विधिबाट ७ लाख ६५ हजार ९ सय १४ जनामा र एन्टिजेन विधिबाट ८४ हजार २ सय ९४ जनामा कोरोना भाइरसको सङ्क्रमण पुष्टि भएको छ ।

यस्तै पछिल्लो २४ घण्टामा थप १ हजार ८ सय ४६ जना कोभिड१९को सङ्क्रमणमुक्त भएका छन् । योसँगै हालसम्म सङ्क्रमणमुक्त हुनेको सङ्ख्या ७ लाख २१ हजार १ सय ८२ पुगेको छ ।

यस्तै पछिल्लो २४ घण्टामा १६ जनाको मृत्यु भएको छ । योसँगै हालसम्म मृत्यु हुनेको सङ्ख्या १० हजार ७ सय ८६ पुगेको छ। पछिल्लो २४ घण्टामा १४ हजार ६ सय ५० जनाको नमुना परीक्षण गरिएको छ ।