कोरोना अपडेट : १० जनाको मृत्यु, सक्रिय संक्रमितको सङ्ख्या २९ हजारमा झर्यो
हाम्रा कुरा
प्रकाशित २०७८ भदौ २३ बुधबार
392
Shares
काठमाडौँ। तीन साता अघि ४० हजार पुगेको कोभिड१९ सक्रिय संक्रमितको सङ्ख्या बुधवार २९ हजारमा झरेको छ । यस्तै पछिल्लो २४ घण्टामा १० जना संक्रमितको मृत्यु भएको छ । मृत्यु हुनेको सङ्ख्या समेत पछिल्लो केही दिन यता भन्दा कम हो ।
पछिल्लो २४ घण्टामा थप १ हजार ६ सय ४० जनामा कोभिड १९ को संक्रमण पुष्टि भएको छ। योसँगै हालसम्म पिसिआर विधिबाट ७ लाख ७३ हजार ५ सय २९ जनामा र एन्टिजेन विधिबाट ८६ हजार ६ जनामा कोरोना भाइरसको संक्रमण पुष्टि भएको छ ।
यस्तै पछिल्लो २४ घण्टामा थप २ हजार १ सय ६१ जना संक्रमणमुक्त भएका छन् । योसँगै हालसम्म संक्रमणमुक्त हुनेको सङ्ख्या ७ लाख ३३ हजार १ सय ६१ पुगेको छ ।
यस्तै पछिल्लो २४ घण्टामा १० जनाको मृत्यु भएको छ । योसँगै हालसम्म मृत्यु हुनेको सङ्ख्या १० हजार ८ सय ८९ पुगेको छ। पछिल्लो २४ घण्टामा १३ हजार ४ सय ५५ जनाको नमुना परीक्षण गरिएको छ ।
हाल ४ सय ८८ जनाको आइसियु र १ सय ४० जनाको भेन्टिलेटरमा उपचार भइरहेको छ । हाल सक्रिय संक्रमितको सङ्ख्या २९ हजार ४ सय ७९ जना रहेको छ ।
