कोरोना अपडेट : १,२७१ जना थपिए, सक्रिय सङ्क्रमितको सङ्ख्या २८ हजारमा झर्यो
हाम्रा कुरा
प्रकाशित २०७८ भदौ २४ बिहिबार
822
Shares
काठमाडौँ। पछिल्लो २४ घण्टामा थप १ हजार २ सय ७१ जनामा कोभिड १९ को संक्रमण पुष्टि भएको छ। योसँगै हालसम्म पिसिआर विधिबाट ७ लाख ७४ हजार ५ सय ८७ जनामा र एन्टिजेन विधिबाट ८६ हजार २ सय १९ जनामा कोरोना भाइरसको संक्रमण पुष्टि भएको छ ।
यस्तै पछिल्लो २४ घण्टामा थप १ हजार ८ सय ४५ जना सङ्क्रमणमुक्त भएका छन् । योसँगै हालसम्म सङ्क्रमणमुक्त हुनेको सङ्ख्या ७ लाख ३५ हजार ६ पुगेको छ ।
यस्तै पछिल्लो २४ घण्टामा १४ जनाको मृत्यु भएको छ । योसँगै हालसम्म मृत्यु हुनेको सङ्ख्या १० हजार ९ सय ३ पुगेको छ। पछिल्लो २४ घण्टामा ११ हजार ९ सय ४४ जनाको नमुना परीक्षण गरिएको छ ।
हाल ४ सय ५८ जनाको आइसियु र १ सय ३९ जनाको भेन्टिलेटरमा उपचार भइरहेको छ । हाल सक्रिय सङ्क्रमितको सङ्ख्या २८ हजार ६ सय ७८ जना रहेको छ ।
