-
-
-
-
जाजरकोट । स्वास्थ्य सेवा कार्यालय, जाजरकोटले म्याद नाघेको भन्दै रातारात तीन दिनअघि ३० लाख आइरन चक्की जलाएछि स्वास्थ्य संस्था आक्रोशित भएका छन् ।
साउन महिनामा आइरन चक्की स्वास्थ्य संस्थालाई उपलब्ध नगराइ भदौको मध्यतिर सरोकारवाला निकायलाई जानकारी नदिएर आइरन चक्की जलाएपछि बिबाद चुलिएको छ ।
नष्ट गर्दा सरोकारवाला सबैको उपस्थितिमा मुचुल्का उठाउनुपर्नेमा त्यो पनि नगरेर कार्यालयले मापदण्ड मिचेको भन्दै आलोचना भइरहेको छ ।
देशभर आइरन चक्की निःशुल्क विवतरण हुने गर्दछ । तर म्याद हुन्जेलसम्म पालिकाकाका स्वास्थ्य संस्थालाई नदिने अनि म्याद गुज्रिएपछि सुटुक्क नष्ट गर्ने स्वास्थ्य सेवा कार्यालयको क्रियाकलापले थुप्रै आशंका उब्जाएको छ ।
