हजार भन्दा तल झर्यो कोरोना सङ्क्रमण, १३ जनाको मृत्यु
हाम्रा कुरा
प्रकाशित २०७८ भदौ २७ आइतबार
1.1k
Shares
काठमाडौँ। पछिल्लो २४ घण्टामा नयाँ थपिने कोभिड १९ सङ्क्रमितको सङ्ख्या हजार भन्दा तल झरेको छ । पछिल्लो समय कोरोना भाइरसको संक्रमण दर केही कम हुँदै गएको देखिन्छ ।
पछिल्लो २४ घण्टामा ९ सय ११ जना नयाँ सङ्क्रमित थपिएका छन् । योसँगै हालसम्म पिसिआर विधिबाट ७ लाख ७७ हजार १ सय ६३ जनामा र एन्टिजेन विधिबाट ८६ हजार ६ सय ९४ जनामा कोरोना भाइरसको सङ्क्रमण पुष्टि भएको छ ।
यस्तै पछिल्लो २४ घण्टामा थप १ हजार ४ सय २३ जना सङ्क्रमणमुक्त भएका छन् । योसँगै हालसम्म सङ्क्रमणमुक्त हुनेको सङ्ख्या ७ लाख ३९ हजार ४ सय ५७ पुगेको छ ।
यस्तै पछिल्लो २४ घण्टामा १३ जनाको मृत्यु भएको छ । योसँगै हालसम्म मृत्यु हुनेको सङ्ख्या १० हजार ९ सय ४९ पुगेको छ। पछिल्लो २४ घण्टामा ११ हजार १८ जनाको नमुना परीक्षण गरिएको छ ।
हाल ४ सय ५४ जनाको आइसियु र १ सय ४० जनाको भेन्टिलेटरमा उपचार भइरहेको छ । हाल सक्रिय सङ्क्रमितको सङ्ख्या २६ हजार ७ सय ५७ जना रहेको छ ।
