कोरोना अपडेट : मृत्यु हुनेको सङ्ख्या ११ हजार नाघ्यो, सक्रिय संक्रमित २५ हजार

हाम्रा कुरा

प्रकाशित २०७८ भदौ ३१ बिहिबार

काठमाडौँ। नेपालमा कोरोना भाइरसको संक्रमणबाट ज्यान गुमाउनको सङ्ख्या ११ हजार नाघेको छ । पछिल्लो २४ घण्टामा ११ जनाको मृत्यु भएको छ । योसँगै हालसम्म मृत्यु हुनेको सङ्ख्या ११ हजार २ पुगेको हो।

यस्तै पछिल्लो २४ घण्टामा १ हजार ५ सय ११ जना नयाँ संक्रमित थपिएका छन् । योसँगै हालसम्म पिसिआर विधिबाट ७ लाख ८१ हजार ९ सय ८९ जनामा र एन्टिजेन विधिबाट ८८ हजार १ सय ८७ जनामा कोरोना भाइरसको संक्रमण पुष्टि भएको छ ।

सोही समयावधिमा थप १ हजार ५ सय ११ जना संक्रमणमुक्त भएका छन् । योसँगै हालसम्म संक्रमणमुक्त हुनेको सङ्ख्या ७ लाख ४५ हजार २ सय १५ पुगेको छ ।

पछिल्लो २४ घण्टामा १५ हजार १ सय ७९ जनाको नमुना परीक्षण गरिएको छ । हाल ४ सय ७ जनाको आइसियु र १ सय २८ जनाको भेन्टिलेटरमा उपचार भइरहेको छ । हाल सक्रिय संक्रमितको सङ्ख्या २५ हजार ७ सय ७२ जना रहेको छ ।